Skellti mér í afmæli til hennar Guðrúnar vinkonu á föstudagskvöldinu. Kellan varð 24ára og bauð uppá allskonar gúmmelaði t.d. lasagne, súkkulaðiköku og nóg af blushi Við spjölluðum, horfðum á idolið og kíktum svo í bæinn eftir miðnætti... Fórum á Óliver, Vegamót og Kofann og eftir það fórum, ég, agnes og margrét, keyptum okkur að borða og svo rölti ég heim (til elvu) í rólegheitunum.

Set kannski inn nokkrar myndir frá kvöldinu þegar ég er búin að koma þeim inná tölvuna...

Á laugardeginum var ég svo frekar þunn, leið hálf skringilega en ákvað samt sem áður að skreppa með Ásu á American Style. Kíktum svo á lagersöluna hjá Senu og svo fór ég uppí Perlu á útsölumarkaðinn þar (btw algert drasl). Þegar ég kom heim skellti ég mér í útigallann og fékk mér göngutúr í góða veðrinu. Rölti um í kirkjugarðinum við suðurgötu og vááá hvað eru gömul leiði þarna. Í elsta partinum er fólk grafið árið 1860 eða eitthvað álíka og það er sko ekkert skipulag á leiðunum þarna, allt út um allt bara.

Þegar ég kom svo heim fór ég beint til Gullýjar vinkonu til að krulla á henni hárið því hún var að fara á árshátíð í Perlunni og hún var ekkert smá fín eftir það (krullið)...

Fór svo heim og lá í leti, enn hálf slöpp eitthvað enda fór sunnudagurinn fyrir lítið þar sem að ég og klósettskálinn vorum sem eitt Gubbupest af verri gerðinni !!! Var svo bara heima á mánudeginum frekar slöpp og er það reyndar pínu ennþá 

Ætla svo að fara með vinnunni út að borða á föstudaginn á Sjávarkjallarann nammm get varla beðið !!!

-stay tuned

p.s. fyrir þá sem eru að telja, hehehe  þá eru nákvæmlega 67 dagar þangað til ég fer í sólina... úfff bara alveg á næsta leiti !!

... Þarf ég að segja meira !!

Leiðinlegustu dagar vikunnar... svo leiðinlegir að manni kvíður hálfpartinn fyrir honum alla helgina. Allir svo fúlir í vinnunni, ALLTAF vondur matur í mötuneytinu (tek sem dæmi að í dag ákvað kokkurinn að hafa lambabjúgu í matinn í hádeginu sem var nóg til þess að gera daginn enn leiðinlegri) Hafiði tekið eftir því að það er aldrei neinn eitthvað úber glaður á mánudegi !!! Fólk er fúlt jafnvel þó það ætti afmæli á mánudegi það er eins og fólk sé að refsa sér fyrir velsæld helgarinnar með því að borða vondan mat og útiloka öll skemmtanahöld. Ég man ekki eftir því að fólk geri sér glaðan dag á mánudegi t.d. þegar afmælisdaga eða hátíðardaga ber upp á mánudag er yfirleitt haldið upp á þá helgina áður eða eftir

Á þeim dýrðardegi 11.janúar 1982 var þetta lag á toppi bandaríska vinsældarlistans:

"Physical" með Olivia Newton-John

Á þeim degi gerðist móðir mín líka svo fræg að fæða mig inní þennan heim!

Hvaða lag var á toppnum þegar ÞÚ fæddist??

http://www.geimur.is/link.php?id=31056

stay tuned

-Konný-